  |
  
|
唉。最初以為大家可以keep好耐
點知，原來大家都只係keep到一日，
記得第一日正常去完camp上堂，
我真係可以撐到一日，
但依家，
連細妹第一日話：「我真係覺得幸福係要自己爭取！」
到今日，佢已經講：「理得佢呀，我考個陣時識做未得o羅！」
講真，見到我地班比起去camp前還要差，
真係有點唔開心。。。
但係連我都已經係咁，
仲邊有資格講唔開心。。
我真係好贊成陳希賢既一句話：
「大家就係為左迫自己上堂唔訓覺，所以搞到大家都無精神。」
越迫自己，搞到自己越殘！！
我開學以黎，第一次見到既奇觀，
就係camp後既第二日，
我竟然見到全班有四分三既同學係轉堂個陣都訓左係張檯上面。
大家真係捱得好辛苦。。
但大家都要加油呀！！
四日三夜的訓練營就此完結，
十分掛念袁sir同NaNa姐姐。
多謝4E班各位同學
記得第一日搭車入營個時，
我仲諗緊幾時可以係對面的馬路到搭車番學校。
第一日：
一入到營，見到成批戴住黑超既教練（真係好似黑超特警隊）
佢地接我地入營，唔知點解一見到佢地就心寒。
入到營，連放低行李都限時，好慘。
跟住揀教練，揀左袁sir（即係當初知道係最好人既恆sir）
步操，食飯...
跟住玩鼻掂波，大敗，
比袁sir鬧，我喊左，
到夜晚，20分鐘「特訓」始終都避唔過，
真係仲辛苦過生仔。。嘻嘻
200下sit up被我地整到變成拉住對方隻手互拉，
又比袁sir鬧。
第二日：
又比人鬧無禮貌（做sit up做到手好痛）
4E執房執得好！
玩電網，好開心，多謝大家比信心我。
扮蟑螂死（個個玩野，本身講我底死，變左話你底死^^）
行石澗，大家做得好好。
國民教育，贏晒，大家好勁呀！！
跟住又係party time。。。
第三日：
熱身時個個大叫「痛」 （包括我）
玩懸崖運炸藥，重犯第一日既錯，
搽泥係面，趕我地走，
但我好理性咁諗（因為係網上睇過個流程）
佢實唔會比我地走，頂多要跪佢，
點知係淋水，以為唔會喊，
點知又喊！！
trust fall要再一次多謝大家！
第四日：
爬高牆，多謝你地呀
4A 4D 4E既同學！！
文武全才李城璧
我地4E最得戚
會考一定乜都識
